دونن گئجه‌کی اویونون هرزادی بیر طرفه، او صحنه کی میلاد محمدی گلیر اوت آتا بیر طرفه! بو صحنه هر نظردن، روانشناسی، مذهبی، فوتبالی و ... گرح بررسی اولونا! اویون یئتیشیب ۹۴نجی دیقیه، ۳۰ ثانیه قالیر داور فیشقانی چالسین، تیم بیر - هئچ دالیدی. میلاد محمدی گلیر اوت آتا. دونیانین هر آیری بیر تیمینده هر آیری بیر اویونچوسی اولسا بوردا نئینر؟ توپو تئز باشلار، اوجا آتار یا قیسا آتار ایشیم یوخ آما تئز باشلار‌. آما دوننکی اویوندا تاریخی بیر ایش اولدو، فریم به فریم گرح بررسی اولا! میلاد گلیر توپو آتا، بیر ایکی آتدیم گئدیر قاباغا، سورا بئینینه بیر شئی گلیر! «اوغلان من بیرده هاواخ بوجور فرصت الیمه دوشه‌جاخ جام جهانی‌دا نئچه میلیارد نفرین باخدیغی بیر اویوندا اوت آتام؟». دالی دالی قئییدیر توپو اوجا آتسین. بوردا ایکی قیرانلیغی دوشور کی دوربین دیبینده دی و یخیندن فیلمین چکیر. آرتئست‌لیخ باشلانیر! توپو اؤپور. وقت آزدی یوخسا توپونان بیر جماع دا ائلردی. بارماغینن گؤیو گؤرسدیر. گؤیده آللاه وار، آللاه فقط بیزیم آللاهیمیزدی اسپانیالی‌لارین یوخ. آللاه ایشین گوجون بوشلویاجاخ بیزیم اووتی باسسین تور ایچینه! ساغا سولا بیر باخیر گؤره کیم وار کیم یوخ. گینه گؤیه باخیر، باشین توولور، یانی «آللاه نؤکریوم ها! منی پوخ ائله‌مه». توپو کله‌سینه وورور. هئش جوره بورانی تحلیل ائلیه بیلمیرم! بلکه توپا دا دییر «نؤکریوم»، یا بلکه توپو قورخودور. و بوردا آرتئست وارد می‌شود: میلاد گؤت باش اولور، میلاد مللاخ وورور! خططین قیراغیندا دورور ایاغا، حساب کیتاب دوز گلمیب، توپو آتانمیر. آللاه دوعالارین مستجاب ائله‌مییب، میلاد پوخ اولور! گینه دالی گئدیر. داور گلیر یخینه، میلادا دییر: «گده نیه میمون اداسی چیخاردیسان؟ آت او میراث توپو قوتار گئتسین دا»، ال‌لرینن ده ایشاره ائلیر کی بوجور با، بوجور آتارلار توپو! و اویونچو قردش نم نه قدر ژانقولئر اداسی چیخارداندان سورا، توپو آتیر‌. ایکی ثانیه‌لیخ ایش اوچون ۳۰ ثانیه وقت هدر ائلیر. نیه؟ هاممیسی بونا قئییدیر کی بو زمانه‌ده هامی ایستیر معروف اولا، بیری گؤت باشین اینستاگرامدا ائشیه تؤهماغینان، بیری ده اوت آتاندا مللاخ وورماغینان. ماتی میخاناسین بورالاردان تاپین: Telegram: https://telegram.me/joinchat/D9YmOEFUSO0ezlDbeRujDA Instagram: https://instagram.com/mati.meyxanasi