Artist: Zakaria Abdulla
Album: Gencî Pîr
Year: 2007
🎶🎶🎶
وەی چەندە ئازارم دەدەن پرسیارە بێ وەڵامەکان
هەزاران جار بەبێ دەنگی ئومێدم لە دڵا خنکان
هەتاکو کەی خەمم کپ کەم؟ دڵم تاکەی بەرگە دەگرێ؟
کێ دەزانێ ڕۆژی چەند جار چەند خۆزگەم ون دەبێ دەمرێ؟
🎶
دەست بۆ هەرچی بەرم خەمە گوڵم دەوێ هەڵدەوەرێ
دەردی دڵم وا دەمکوژێ و لای کەس نییە چارەسەرێ
ژیان ماندووم دەکا خوایە ڕوو لەکوێ کەم بۆ پەنایێ؟
بۆ دەبێ هێندە دڵپڕ بم؟ چیم کردووە؟ چی خەتایێ؟
🎶
داخ لە دەستی ئەم ڕۆژگارە گەنجم وا پیرم دەکا
لەهەر لایێ خەم دەبارێ دەمگرێ و یەخسیرم دەکا
گەردون ئیدی بێتاقەتە و ڕۆژگاریش ماڵی لە خەمە
چی بکەم خەفەت بەبێ باکی ئەو دەستەی لە یەخەمە
داخ لە دەستی ئەم ڕۆژگارە!
🎶
بێتاقەتی دامدەپۆشێ بێ بەزەیی دەوری داوم
خەفەت بەرۆکم بەرنادا هەتا ڕۆژێ لە ژین ماوم
هەموو ڕێگایەکم ونە و شەکەتی دەستی ڕۆژگارم
ناخم دەریای گریانێکە و قەت بە کەس ناگا هاوارم!
🎶🎶🎶
