دومانام
۱۵۸ بازدیدپنجشنبه ۱۳ خرداد ۱۳۹۵ - ۱۶:۳۹
این مطلب توسط کاربران طرفداری ارسال شده است و دیدگاه طرفداری نیست.
دومانام هاردا کی داغ وار دره وار منده وارام
سیلددریم وار اوچوروم وار بره وار منده وارام
پاییزام هانسی باهار گؤرسه منی رنگی آتار
هاردا نیسگیل توره دن منظره وار منده وارام
چیرپینان بیر اوره یم اووچی الیندن هاردا
کول دیبینده سیخیلان بیر فره وار منده وارام
من قاخینجام لکه یم آخ باشا دوش هر یئرده
آغین اوستونده سیلینمز قره وار منده وارام
دونیا باشدان آتاجاقدیر منی ؛آنجاق بوردا
دره یه دوغرو گئدن بیر سره وار منده وارام
هاردا گؤردون داش اورکلیم دووارین کؤکسونده
شوشه سیز بیر یارالی پنجره وار منده وارام